نـظـريــة علـمـيـه ..... الإنســان أصـلـه فرخــه

ازيكم يا كتاكيييييييت

اه احنا كتاكيت ماتبصوش كدا

اشمعنا دول العالم التانية دى الناس سمعتها لما قالوا الإنسان أصله قرد؟

وطالما العباقرة عندنا كتبوا كلامهم فى منهج الثانوية ودرسناه معاهم زى المجانين

أحب أوضح وجهة نظر المطبخ فى المسألة دى … ما هى زاطت بقى

هتقولى أيه دليلك يا رشا على أن الإنسان أصله فرخه ؟

هقولك دليلين مفحمين أوى وكبسة يعنى

وعن طريق اللغة العربية والإنجليزية

يعنى اللغات العالمية كمان أولا فى العربى

لما الطالب فى المدرسة خطه يبقى وحش بيقولوا عليه أيه؟

اية انتوا هاتبحلقوا كتير ردوا ؟

اية يعنى سكتوا ؟

بيقولوا خطه “نكش فراخ”

وهذه وراثة من الأجداد الفراخ مما تتأثر الأجيال الجديدة بالمقولة.

وثانيا بالعنجليزى

chicken out

تعبير معناه يفقد أعصابه أو يرتعد خوفا غير ان تعبير فرخة دليل على الجبن والخوف للشخص الموجه له الكلام

شوفت الكلمة بتفرض نفسها ازاى؟ مش كده وبس ده كمان فى أغانى عن الفراخ كتيير

زى ايييييييييية

كوكو واوا مثلا دى أغنية أسبانية عن الفرخة والكتاكيت بس ده مش موضوعنا النهاردة.

تاخد بالمرة دليل على السريع؟ مرض الجدري الكاذب أو الجدري المائي اسمه أيه بالعنجليزى؟

اسمه Chicken pox

مش محتاجة جدال خالص

عاوزين بقى الدليل الساحق الأصلى؟

انفلونزا الطيور مجبتش حاجة من عندى؟

عندك الفيروس جاى من الفراخ للانسان .. طب ليه؟

علشان كان الانسان زمان فرخة كبيرة وإتمحورت لحد ما بقيت دودة ثم يرقة وبعدها كائن اسمه الإنسان