العيب فى مين ؟؟؟

بسم الله الرحمن الرحيم
@@@@@@@@@

كل واحد فينا لية عقل بيفكر بية ديماا احيانا بيكون صح واحيانا بيكون غلط

بس احيانا بيشوف حاجات صح بس الواقع بيقول انها غلط والعكس صحيح طبعا

بمعنى الانسان بيفكر ديماا فى البيئة المحيطة بية

فمثلا

اسمع عن حادثة لرجل من رجال الشرطة (سرق _ قتل ) المهم انو استخدم السلطة

انا بشوف انو غلط ومع ذلك بلاقى المجتمع بيقول انو صح بحجة (اننا فى عصر السلطة والقوة)

سمعت عن دكتور مارس الرذيلة مع المرضى فى العيادة

والحجة كانت ان زوجتة قالت .........

المدرس والطالبات والحجة كانت انو مش معاة يتجوز

اسمع عن فكهانى قتل اخوة حدفة من الدور ال 3 عشان ضيع 5 جنية

وكتير من الجرائم كتير من الفساد قدام عنينا بس الاكتر من كدة والاصعب

لما تلاقى القوة فوق القانون .......( ناس بتموت بلا تمن)
بس برضة برجع ادور تانى فى السبب واقول العيب فى مين؟؟؟؟

فى الحكومات اللى مش عارفة تظبط البلد صح؟؟

فى الاجيال اللى قبلنا اللى ربت الجيل دة؟؟

الفقر والجهل سبب رئيسى لانتشار الكلام دة؟؟

السينما ليها دور انها بتسهل عمليات القتل والاغتصاب والجريمة ؟؟

تفتكرو مين السبب فى كل دة وتفتكرو العيب فى مين؟؟؟؟
موضوع معقد لحد ما بس الواحد لازم يتكلم ........ اتمنى المشاركة من الاعضاء

بجد بجد موضوع قمة ف الجمال أخى just one
وغاية ف الأهمية

انا بقى من وجهة نظرى

الفقر والجهل سبب رئيسى لانتشار الكلام ده
بالأضافة الى الأنسان نفسه

كل واحد يهتم بنفسه الأول بعد كدا هتلاقى الدنيا مظبوطة وتمام التمام

يا رب اكون عرفت اجاوب

رشروشة

موضوع مهم جدااااااا وزي منت قلت معقد
بس فعلا محتاج مناقشه

انا شايقه ان العيب في البيئه المحيطه بالشخص والتربيه من داخل البيت

بس زي ما رشروشه قالت لو كل واحد بدا بنفسه اكيد الدنيا هتتغير

موضوع تحفة بجد يا غالى
تسلم أيدك عليه بجد
ويستحق أنه يكون أفضل موضوع بجد

ردا بقى ع سؤالك

العيب فى مين ؟؟

أظن أن العيب فينا سيدى الفاضل
ما هو لو كل واحد أهتم بنفسه أكيد الدنيا هتبقى كويسة
وينعكس ذلك ع كل أفعالنا وتصرفاتنا
ومن ثم فالجو والبيئة المحيطة بنا ستكون أكثر هدوءا واستقرارا ونظاما

وأنا اتذكر مما قاله الأمام الشافعى رحمه الله

نعيــب زماننــا والعيــــب فينا وما لزماننا عيب سوانا
ونهجو ذا الزمان بغير ذنب ولو نطق الزمان لنا هجانا

وعذرا لك أخى الفاضل ع الإطالة

تحياتى لك ع مجهودك الوافر
زيزو

موضوع مهم جدا just one

انا من رأيي ان وسائل الاعلام والافلام بالذات ليها دور كبير في اللي بيحصل دة

يعني مثلا تلاقي فيلم من اوله بيتكلم عن المخدرات وازاي تتعاطاها

وازاي تجيب فلوس عشان تشتريها وازاي وازاي

وفي الاخر تلاقي مشهد عن حل واحد العلاج

شكرا كمان مرة بجد على موضوعاتك الي بجد كلها جميلة

تحياااااااااتي

سارة

أولا شكرا لك أخى الفاضل ع الموضوع الجميل
والنقاش الرائع ده

انا من رأيى انه العيب فينا
وبرده وسائل الأعلام لها دور فعال تجاه الفرد والمجتمع
وطبعا بيأثر فيهم تأثير بالغ

دا دى من وجهة نظرى المتواضعة مع احترامى لكافة آرائكم الجميلة