memo4love مشرف
عدد الرسائل : 414 تاريخ التسجيل : 08/05/2009
| موضوع: كــــــــــدبــــــه كبيره أسمها الظــــروف الأحد فبراير 07, 2010 11:38 pm | |
| ازيكم وحشتونى كتير ها اخباركم اية تمام طيب انا بقى زهقت من الناس ومن الحياه وكل ما اقابل حد بقالى كتير مشفتوش واجى اقول له اية ياعم انت فينك من زمان يقولى ظروف زهقت من الكلمة دى بصراحة افكر مع نفسى بقى اقول اية الكلمة دى اللى فى لسان الناس دى كل ما اقابل حد يقولى ظروف
الفاشل والضعيف هو الى يعلق فشله وضعفه على ظروفه لان الظروف دى الانسان الى بيتسبب فيها
أوقات كتر بنحس اننا وصلنا لطريق مسدود وماينفعش نرجع حتى منه اوقات بنوهم نفسنا اننا ملناش مستقبل وحياتنا صعب نعيشها
مثلا
واحد ارتبط بواحده زميلته وفضلوا فتره مع بعض عايشين خروجات وفسح وهدايا وكلام حب ولما يجى وقت الجد يقولها مش هعرف ارتبط بيكى ظروفى متسمحش ياه انت لسه عارف دلوقتى ان ظروفك صعبه
واحده ترتبط بواحد زميلها ولما يتقدملها واحد مبسوط ومعاه فلوس تسيبه وتقول ظروفى كدا اهلى عاوزين سعادتى
واحد كل سنه يسقط فى الكليه ولما يتخرج يلاقى نفسه مش عارف يعمل ايه وكل اصحابه الى كون نفسه واللى حقق ذاته وهو لسه بيفكر هيعمل ايه ولما تسأله كنت فين قضيت حياتك ازاى وامته هتكون نفسك وتبص لمستقبلك يقولك ظروفى كانت كدا
كله بيلوم على الزمن وبيتهم الدنيا انها ظلمته
كم ظلمنا أنفسنا عندما اسقطنا فشلنا على ظروف الحياة ,,
وشكونا من صعوبتها !!
ناسين أو متناسين بأن هذه الظروف تقف حائلاً أمام الضعيف فقط ,, أما القوي .. وقوي الإيمان خصوصاً فلا يركن لهذا ,, ويشق طريق حياته رغماً عن الكذبة الكبرى .
نعم إنها كذبة " أسمــها الظـــروف"
| |
|
Magic alo عضو متألق
عدد الرسائل : 126 تاريخ التسجيل : 03/01/2010
| موضوع: رد: كــــــــــدبــــــه كبيره أسمها الظــــروف الإثنين فبراير 08, 2010 12:03 am | |
| نعمل اية طيب ظروووووووف ههههههههههههههههههههه نايس توبيك بجد وعندك حق
| |
|
Mr Zizo رئيس منتديات أصدقاء للأبد
عدد الرسائل : 932 العمر : 33 تاريخ التسجيل : 06/03/2009
| موضوع: رد: كــــــــــدبــــــه كبيره أسمها الظــــروف الإثنين فبراير 08, 2010 3:06 am | |
| فعلا يا محمد عندك حق والله الموضوع ده بقى يتقال ف اليوم ولا مية مرة كل ما واحد يسأل واحد ولا أى حاجة يقوله معلش انت عارف الظروف تعرف احنا بنتأخر ومش بنتقدم ليه ؟؟ اقولك يا سيدى علشان حاجة واحدة اننا مش بنعترف بأخطائنا وكل واحد بيفتكر انه هو اللى ع الطريق الصحيح والباقى كله ف الطريق الخطأ لالا لزما الواحد يستفيد من آراء الأخريين ممكن نكون احنا اللى غلط وهما اللى صح مش عيب يعنى اننا نسمع ليهم ونصحح معلوماتنا انا افتكر بيتين قالهم الإمام الشافعى رحمه الله نعيب زماننا والعيب فينا وما لزماننا عيب سوانا ونهجو ذا الزمان بغير ذنب ولو نطق الزمان لنا هجانا فمش عاوزين نعلق الظروف والمشاكل والحاجات الغلط اللى بتحصل على شماعة الظروف ونقول الكلمة المعتادة ( انت عارف الظروف) طيب ما ندور من داخلنا ممكن نلاقى الحل ؟؟ معلش دا انا كتبت لك موضوع تانى مش رد بس يلا الواحد كان عاوز يطلع شوية وشكرا ع الموضوع اللى أكيد هنستفيد من رأى الأعضاء فيه كلنا ان شاء الله
| |
|
rere مستشار ادارى
عدد الرسائل : 737 الموقع : في اي قلب يحبني تاريخ التسجيل : 03/04/2009
| موضوع: رد: كــــــــــدبــــــه كبيره أسمها الظــــروف الإثنين فبراير 08, 2010 3:37 am | |
| بصراحه مش عارفه اقول ايه لان زيزو باشا قال كل حاجه ممكن تتقال بجد موضوع جامد قال الممكن للمستحيل : اين تسكن ؟ قال: في عقول العجزه
| |
|
ملك مشرفة
عدد الرسائل : 519 العمر : 34 تاريخ التسجيل : 30/04/2009
| موضوع: رد: كــــــــــدبــــــه كبيره أسمها الظــــروف الإثنين فبراير 08, 2010 5:12 am | |
| انت يا زيزو أخدت الكلام كله ع رأى ريرى مش بقينا عارفين نقول ايه بس بجد بقى الكلمة دى بقيت اسمعها ف كل مكان ومع غالبية الأشخاص تلاقيها موجودة بقينا نعلق أخطائنا وفشلنا على شماعة الظروف شكل ما قال زيزو بالظبط لزما يكون فيه مصارحة مع النفس ع طول أوقات الفشل والهزيمة علشان نقدر نتخطة المرحلة دى وتتحسن الظروف نايس توبيك يا ميمو
| |
|
رشروشة مدير تنفيذى
عدد الرسائل : 474 العمر : 35 تاريخ التسجيل : 08/05/2009
| موضوع: رد: كــــــــــدبــــــه كبيره أسمها الظــــروف الثلاثاء فبراير 09, 2010 2:00 am | |
| اه والله عندك حق يا محمد لك حق تتخنق بس لما تلاقى واحد بيقولك معلش الظروف الواحد بيقوله طيب ويسكت بقت كلمة بايخة اوى الأيام دى وملازمة لكل الألسنة لأننا شكل ما زيزو قال ف جملة جميلة جدا بنعلق أخطائنا ع شماعة اسمها الظروف لك كل الشكر يا محمد مرة أخرى ع فتح باب المناقشة الجميلة دى
| |
|