السنجل اللي علي حق يقول للدبدوب لأ

بصو بقي سيبوني اقول البوقين اللي عندي ومخليني مش عارفه انام

تسالونى مالك فيه ايه ؟؟؟؟

اقولكم

زي منتو عارفين ان من يومين كان الزلانطين والاحمرات بقى والدباديب كانت بتلعلط كده واشى ورد واشى فجل

وانا ياحسرة عليا قاعده زى خبيتها كده لا شوفت احمر ولا اسود وبقعد القاعده دى يومين فى السنة مش مكفيهم يوم واحد لا خلوه يومين علشان تبقى الحسرة حسرتين والخيبه خيبتين

طيب مش المفروض يعملوا للسينجل بردوا عيد ولا ايه ؟؟ ماهو اللى ليه ضهر بقى

يلا بلا ورد بلا بتاع الحياة كده نعناع

قبل الفلانتين بيوم بقى تلاقى التليفونات شغاله كل واحدة بتكلم صاحبتها هتجيبى ايه بكرة لوائل والتانيه هتجيبى ايه لمسعد ويفضلوا يفكروا هيجيبوا ايه وفى الاخر هيجيبوا لدبدوب لبوكيه ورد مفتخر كده ولا كانهم طالعين بيه القرافه . يضربولهم عشره عشرين جنيه كده من ابوهم واموهم قال ايه بحجه هنجيب ملازم للامتحان والاهالى غلابه مش عارفين اللى فيها وعلى طول يطلعوا الفلوس وخد يابنى خدى يابنتى ربنا معاكم ويجعلكم الصعب سهل ياخدوا الفلوس وجرى على محلات الورد او الدباديب وتلاقى محلات الورد والدباديب بقى ايه ولا طابور العيش ساعه الضهريه اللى عاوزة دبدوب مكتوب عليه اى لاف يو واللى عاوز دبدوب عليه اى نيد يو واللى مكتوب عليه داهيه فيك وفى اللى جابوك وخلفوك

وتانى يوم تلبس الحتة الحمرة والكاوتشى الاحمر بتاعها وهوب تضرب ساندوتش الفول بتاعها والبصل وجرى على الكليه بتاعتها ترن للواد بتاعها اللى جايب لها هو كمان دبدوب ووردة وضحك وهئ ومئ وتديله الهديه وهو يديها الهديه وتقوله كل عيد حب وانت معايا وهو زى البغبغان يقولها كل عيد حب واحنا سوا ياروحى ياخى طلعت روحك منك ليه ليها

ايه ياخويا البنات دول والنبى صدق الشاعر اللى قال ياجايبه البنات ياجايبه الوكسه للممات

لا مش كده وبس لالا تيجى موبنيل وفودافون بقى واتصالات اشمعنى هى يعنى ويطينوها وينزلوا بعروض عيد الحب ويخلوا الساعه ب 5 قروش وتكسب عليها لاب توب هديه و تسع تلاف رساله من ام بلاش دى وتلاقى الرسايل دى خلصت فى يوم بيكتبوا فيها ايه دوووول معرفش
بس هو ده الشعب المصرى ماشى بسياسه ابو بلاش اغرف منه

انا مش بحسدهم ولا انق عليهم ولا بحقد لا سمح الله خليهم يحبوا ومش مهم احنا

بس بردوا انا مش بخلى نفسى فى ايتها حاجة اشمعنى هما يعنى هما ولاد البطة البيضه وانا بنت البطة السودة

عاديكم انا كمان بمسك الموبايل وهاتى بعت فى رسايل لاصحابى اللى زى حلاتى مش لاقيين حد يجبلهم عود ملوخيه حتى ونفضل نندب انا وهما ف المسجات ونتحسر على حالنا

وببقى منبهه على البيت كله اول مااصحى الصبح يقولولى هابى فلانتين يا ريري
وببقى منشكحة اوى وهما بيقولولى قال يعنى بصبر نفسى على ماتفرج
وياسلام بقى لو فى الايام دى الحاله مانجه معايا ومتريشه كده ومعايا جوز عشيرينات انزل واجبلى دبدوب احمر واريحه بس السنة دى محتطلوش برفان اصل طلع البرفان ضد حقوق الانسان وانا حقانيه واحب الحق

بس عيد الحب السنة دى الواحد محسش بزهوته كده زى كل سنه علشان جاى ف الاجازة و مفيش كليات بقى ولا حاجة حوسة ليعملوه بقى اول يوم فى الدراسه بعد الاجازة اموت فيها ساعتها بقى

ف السنه اللي رفضنا فيها الدباديب والفلانتين عملنا شعار للسينجل ...... الشباب السينجل أم الفلانتين

هههههههههههههههههههههه
هههههههههههههههههههههههههههههههههههههههههههههههههههههههه

يخربيت عقلك يا بنتى

يا لهوى انتى مش عارفة كمية الضحك اللى انا فيها وانا بقرأ الموضوع

ياااااااااااااااه كلام جاااااااااامد جداااااااااااااااا

ومش من أى حد لالا دا من ريرى

ماشى يا بنى آدمين

نسيت اقولك صحيح

Happy Valentine

ههههههههههههههههه

أى خدعة

ههههههههههههههه

فعلا معاكى حق ف كل اللى قولتيه يا ريرى

بس بجد الموضوع خرافة ويضحك اللى مش له نفس يضحك

ميرسى

السنجل اللى على حق ... يقول للدبدوب لأ

ههههههههههههههههه

فعلا هو ده اللى بيحصل
فضحتى كل واحد وكل واحدة يا ريرى

ههههههه
بس أحسن برده برافو عليكى
دا كلام كله فاضى

آل عيد حب آل

» خدمة 911 بس دي اللي في مصر
» مين العضو اللي واحشك....
» ايه السبب اللي يخليك تخسر حبيبك؟؟