حتي ابليس زهق من البلد دي ..!!!!!!!!

على باب سفارة كندا.. لمحت ابليسو ف ايده استماره..

بقول له على فين.. قاللي بص .. يا هجره يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. مليش عيش ف دي البلاد..

....

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومفيش مشاكل..

يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا ابليس أشتغل واعظ .. ولا كمساري ف اتوبيس..

يا عم ده انا زمان

كنت استنى حد ينسى يسمي وهو بياكل لقمته..

دلوقتي كل اكلكم ملوث .. و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته..

يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه ......... مفيش فايده

هو كان ناقص الفيديو بتاعها

بس يلا هيا فعلا جميييييييلة جدا
وانا لما شفت الفيديو فضلت اضحك بجد علينا اووووووووى

ميرسى يا سيادة النائبة

هههههههههههههههههه
هههههههههههههههههههههههههههههههههه

حلوووووووة بجد اوى يا ريرى

منورة التوبيك كله بموضوعاتك الجديدة
ويارب نشوفك ع طول

حتى ابليس زهق

هههههههههههههههههههههههههه

ربنا يكون ف عونا بجد

تسلمى يا ريرى ع الكلام الجميل ده

منووووووووووورين

» حديث ابليس مع الرسول عليه افضل الصلاه والسلام
» حصريا تحميل فيلم البلد دي فيها حكومة DVDRip على اكثر من سيرفر
» هل تعلمون أن " ابليس " يبكي ..؟؟ !!