loveprincess
المشرف العام
عدد الرسائل : 532
العمر : 34
تاريخ التسجيل : 03/04/2009
 |  موضوع: قصيدة احمد فؤاد نجم شوفو بيشتم مين ؟؟؟؟؟؟؟؟  الإثنين أبريل 06, 2009 4:53 pm | |
|
نظرًا لأن النعمة فاقت حدها
ولأننا مش قدها
ولأن فعلاً إنجازاتك
فوق طاقتنا نعدها
ولأننا غرقنا فى جمايل
مستحيل حنردها
نستحلفك.......نسترحمك
نستعطفك......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
إسمع بقى
إحنا زهقنا من النعيم
ونفسنا فى يومين شقا
عايزين نجرب الإضطهاد
ونعوم ونغرق فى الفساد
بينى وبينك حضرتك
دا شعب فقرى مايستحقش جنتك
أنا عارف إنه شعب ماينفعوش
إلا شارون وبلير وبوش
عايز يجرب الإمتهان
ويعيش عميل للأمريكان
بيمد "غازُه" لإسرائيل
ويومين كمان ويمد النيل
أهو يعنى نشرب ميه واحدة
ندوب فى بعض
ماء وماء وماء
ونفض سيرة الإنتماء
وبلاها نعرة وطنطنة
وتبقى البلاد "مستوطنة "
متسلطنة ومتسرطنة
إيه اللى خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
خيار حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وإرضى بقسمتك
دا شعب مش فاهم أكيد
يالا أُطرده من رحمتك
وإن كنت غاوى الحكم
خليك مطرحك
حاغطس وأقب وأعود
بشعب يريحك
راضى وعمره مايجرحك
أخرس وما بيسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض فى السليم
وعلى الصراط المستقيم
كل اللى يعرف ينطقه
عاش الزعيم
يحيا الزعيم
أحمد فؤاد نجم
| |
|
Mr Zizo
رئيس منتديات أصدقاء للأبد
عدد الرسائل : 932
العمر : 33
تاريخ التسجيل : 06/03/2009
| | موضوع: رد: قصيدة احمد فؤاد نجم شوفو بيشتم مين ؟؟؟؟؟؟؟؟ الأربعاء أبريل 08, 2009 12:04 am | |
| ههههههههههههههه
بجد لزما نقول عااااااااااش الزعيم
ويحياااااااااااا الزعيم
مفيش حد يقول غير كدا
No Comment
مع تحيااااااااااااااااتى
زيزو | |
|
