رشروشة مدير تنفيذى
عدد الرسائل : 474 العمر : 34 تاريخ التسجيل : 08/05/2009
| موضوع: كلمات لا تخلو من أى بيت الجمعة أكتوبر 23, 2009 3:04 pm | |
| *ذاكر ساعتين بتركيز كأنك ذاكرت اليوم كلو (الغريب اما تقعد تذاكر سعتين يقولو و هي دي مذاكره.)
*مذاكرة ايه دا اللى على السرير
*يا ابني تعالي اقعد معانا ولا انت مأجر اوضه جوه البيت ......
* ابقي نشف الحمام بعد ما تخرج منه.
* يا خويا ياريتك حافظ الدروس اللى عندك زى ما انت حافظ الاغانى كده .
* اعملى حسابك اول ما الدراسه تيجى الرسيفر هيتشال هو والتليفزيون
*قبل الفجر: ارجع بات في المكان اللي انت جاي منه.
* لو كانت اللي علي التليفون طنط سلوي قوليلها ماما نايمة
* ابقى قابلني بكرة تاخد بالجزمة وتاكل كل حاجة غصب عنك.
* عيشه تقصر العمر والواحد هيلاقيها منين ولا منين وانا خلاص زهقت وجبت اخري وانا عارفه مش هترتاحو غير لما اموت.
*يابنى حرام عليك هات قناة الناس الشياطين ماليه البيت.
* امشى جاتك مشش فى ركبك .
* جتها نيلة الى عايزة ولد تيجى تتفرج .
* متحطيش الموبيل جنبك و انت نايمه هيجبلك تخلف عقلي .
*ذاكر ياموكوس مش فالح غير فى الهيافه والكلام الفاضى.
* متتأخرش وهات عيش وانت جاى .
* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .
* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.
* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الاب).
*أوعا حد يضحك عليك ويقولك جرب السيجارة دي.
*ابقى ورينى مين حينفعك فى الاخر من شوية الصيع الى انت مشيلى وراهم .
* قوم اقرا لك كلمتين ينفعوك .
* وطي المدعوق ده شويه .
* مش ملاحقه علي التليفون ولا الموبيل عملالي فيها الست المهمه.
*برة البيت بتضحكوا وجوة البيت لاوى لنا بوزك ............ خلي شوية اصحابك الصيع ينفعوك.
*لما ما ترضاش تاكل في البيت:طبعا مانت اتعودت علي اكل بره .
* عيـــب ... لازم تحترم اللي أكبر منك .
* لو شفت خناقه ما لكش دعوة بيها .
* كريم دا عيل بايظ وماتمشيش معاه تاني .
* مين منى دي انتى كل يوم تصاحبي واحدة جديدة ؟.
* هياا الوزيرة معندهاش وزاره النهارده قومى يا حبيبتى الساعه10 .
* انته مبتكلش جزر ليه .. اجيبلك برتقانه. طب كل سلطه .
* يبني بأسلوبك ده مش هتعيش معاك واحده .
* قومي ساعدي امك ده اللي هيتجوزك أمه داعية عليه.
* اوعى حد غريب يديلك حاجه تاكلها و تشربها و تاخدها منه .
* يا ابني حرام عليك الى بتعمله فينا ده.
* انا سايبالكوا البيت وماشية ومش حتشوفوا وشي تاني .
* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.
* وانت فاكر احنا مستنيين منك حاجه .
* المسلسل مش هينفعك ...قوم ..
* ابقي قبليني لو فلحتي ...بس ديما مش بيقلوا نقبلهم فينّ!!! غربيه .
*مين اللي ساب باب التلاجة مفتوح.
* كفايه رغي في التليفونات .
*لما الولد او البنت ماتاكلش تقعد الام تقول وشك بقى عامل زى اللقمة المقمرة هتتعبى ومش هتقدرى تروحى الكلية و هلف بيكى على الداكترة.
* اطفي التلفزيون وقوم ذاكر ولا و خش اوضتك .
* بلاش تمشى حافى البس شبشب وانته داخل الحمام .
* ما فيش مذاكرة على المزيكا .. وازاى بتذاكر و البتاع ده شغال جنبك .
*فلوسك بتروح فين يا هبله انتي بتصرفي على الصبيان؟؟.
* ماتتأخرش علشان عندك كلية بكرة بدرى.
* انا عارفة ازاى المك .
* انا : ياماما بقه ايه ده ؟؟؟
ماما:مووو لمـا يــــــخدك .
* ده منظر اودة بني آدم ، انت عايش فيها ازاي؟.
* هو انا الخدامه الى ابوكم جبهلكم .
* الى يطلع من الاوضه يطفى النور وراه .
*أبوك عندك أهو اتصرف معاه .
* اللي بيشيل قربه مخرومة بتخر عليه لوحده ..
* لو مش فاهم حاجه ارفع ايدك و قول للأستاذ مش فاهم .. متتكسفش .
* يأبنى المذاكره مابتخلص .... نفسى اشوفك مره ماسك كتاب.
* اعمل حسابك مش هندخلك جامعه خاصه.
* قالب ليلك نهارك طول الليل صاحى وطول النهار نايم طبعاً ما حضرتش ولا محاضرة ولا سكشن , وطول اليوم صايع بره البيت .
* مالكش دعوة بالسياسة .. وماتمشيش في مظاهرات .و امشي جوا الحيط .
* احمد ربنا الاكل الى مش عجبك ده فى ناس مش لقينه .
*والله لو منضفتيش الشقه ومسحتيها ما في نزول النهرده .
* قومي سخني الأكل لأخوكي.
* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .
* ومن اشهر الجمل الى بتتقال كل يوم بعد الاكل :
انا مش الخدامه اللي اشترهلكوا ابوكوا اللي ياكل في طبق او يشرب في كباية يغسلها ما يركنهاش في الحوض.
* ( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟؟
| |
|
rere مستشار ادارى
عدد الرسائل : 737 الموقع : في اي قلب يحبني تاريخ التسجيل : 03/04/2009
| موضوع: رد: كلمات لا تخلو من أى بيت الجمعة أكتوبر 23, 2009 7:36 pm | |
| ههههههههههههههههههههههههههههه هههههههههههههههههههههههههههههههههههه لالا جاااااااااااااااااااااااااااااامده جدااااااااااااااااااااااااا الكلام دا كله بيتقال في كل بيت بس بصراحه الجمله دي بتعبني اووووووووي
قومي سخني الأكل لأخوكي. ارحمنا يااااااااااااارب
| |
|
Mr Zizo رئيس منتديات أصدقاء للأبد
عدد الرسائل : 932 العمر : 33 تاريخ التسجيل : 06/03/2009
| موضوع: رد: كلمات لا تخلو من أى بيت الجمعة أكتوبر 23, 2009 8:09 pm | |
| يا لهوووووووى عليكى يا ست رشروشة ايه يا بنتى دهبتطلعى اسرار البيوت بره ليه عقابك شديد ههههههههههههههههههههه وبعدين ايه يعنى يا ست ريرى ده - اقتباس :
- قومي سخني الأكل لأخوكي.
عيبة ولا متكونش عيبة ماشىان غدا لقريب | |
|
ملك مشرفة
عدد الرسائل : 519 العمر : 34 تاريخ التسجيل : 30/04/2009
| موضوع: رد: كلمات لا تخلو من أى بيت الجمعة أكتوبر 23, 2009 8:27 pm | |
| هههههههههههههه هههههههههههههههههههه ايه ده يا رشروشة دا الواحد يحذر منك بعد كدا بقى ههههههه لا بس بجد ده كل اللى بيحصل ف كل البيوت سلامى لكى
| |
|
rere مستشار ادارى
عدد الرسائل : 737 الموقع : في اي قلب يحبني تاريخ التسجيل : 03/04/2009
| موضوع: رد: كلمات لا تخلو من أى بيت الجمعة أكتوبر 23, 2009 8:44 pm | |
| ايون طبعا منت ولد يا زيزو وطبعا بيقولو لاخواتك البنات الغلابه قووووووومي سخني الاكل لاخوكي يعني تبقي الواحده مننا قاعده في امان الله وينزل اخوها عليها زي القضا طب ميسخن هو لنفسه ربنا يكون في عونا يا بناااااات
| |
|
just one قلم مميز
عدد الرسائل : 338 تاريخ التسجيل : 09/08/2009
| موضوع: رد: كلمات لا تخلو من أى بيت الجمعة أكتوبر 23, 2009 11:06 pm | |
| ههههههههههههههههههههه شكرا لكى رشروشة على كلماتك الجميلة بجد وفعلا كل اللى قولتيه بيحصل يوميا ف اى بيت وبجد مجهود رائع منك ننتظر المزيد
| |
|