إبراهيم حسن: جدو "مش مظبوط"-واتحاد الكرة يسعى لافساد الصفقة لصالح الأهلى

إبراهيم حسن: جدو "مش مظبوط"-واتحاد الكرة يسعى لافساد الصفقة لصالح الأهلى

ابدى ابراهيم حسن المنسق العام لنادى الزمالك غضبه الشديد من محمد ناجى "جدو" مهاجم الاتحاد ومنتخب مصر الوطنى لتراجعه عن التعاقد مع الزمالك.

وقال ابراهيم فى حوار مع برنامج كورة اون لاين "قبل بطولة الامم لم يكن احد يعرف من هو جدو ولكن حسام حسن طلب من ادارة النادى التعاقد معه وابدى ممدوح عباس رئيس القلعة البيضاء استغرابه من طلب العميد لكن الاخير تمسك به ويكون جزاءنا فى النهايه ان يتراجع اللاعب عن تعاقده معنا" .

وبسؤاله حول تصريح جدو بأنه نادم على توقيعه للزمالك قال حسن "لو جدو قال كدة يبقى انسان مش مظبوط ومش سوى واوجه له رساله ربنا مش هيكرمك طول ما انت بتكدب, لو انت انسان ملتزم مترجعش فى كلامك وتعاقدك علشان التوفيق يفضل ملازمك .

واضاف حسن "ممكن مصيرك يكون زى خالد بيبو اللى جاب اربع اجوان فى الزمالك فى ماتش واحد وبعد كده اختفى واعتزل" .

واكد حسن ان اتحاد الكرة يسعى الى افساد الصفقة ويساند اللاعب ضد الزمالك من اجل تسهيل انتقاله الى نادى كبير داخل مصر معروف عنه تدخله فى كل الصفقات التى يعقدها الزمالك