عدد الرسائل : 474العمر : 35تاريخ التسجيل : 08/05/2009
موضوع: لو سالتك انت مصري تقولي ايه ..................هه الجمعة مايو 15, 2009 4:34 pm
حوار مصرى جدا
وأتحدى أى أحد يشكك فى مصرية قائله
# يقال إن87%من الشعب المصرى ساخطون على الحكومة المصرية ... ما تعليقك ؟ ــ ال 13% الباقيين معاهم جنسيات أخرى .
# تقرير :45% من الشعب المصرى مصابون بمرض السكر ما تعليقك ؟ ــ آدى اللى خدناه من" الحلوانى " اللى بنى مصر .
# ما أهم مظاهر الفهلوة عند المصريين ؟ ــ انهم يشكون فى الشحات ولا يشكون فى النصاب .
# ليه الحزب الوطنى بيعمل اعلانات لنفسه مع ان البلد كلها بتاعته ؟ ــ زى ما شبكة الأوربت بتعمل اعلانات لنفسها على شاشة الأوربت .
# ما الفرق الأهم بين مصر وأمريكا ؟ ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .
# ما أهم قاعدة موجودة فى مصر ؟ ــ ان مفيش قاعدة لأى حاجة
# لماذا يطلق المصريون على زوجاتهم لقب " الحكومة "؟ ــ لصعوبة تغييرها مهما تسببت فى كوارث .
# أين يمكنك أن تلاحظ سوء نية المصريين ؟ ــ عندما يغنون للطفل البرىءبمنتهى الخبث قائلين .... يارب يا ربنا " تكبر وتبقى زينا ..
# امتى بتحس ان البلد حلوة ؟ ــ ما باحسش ان بلدنا حلوة غير لما داليدا تقول : " حلوة يا بلدى "(بغض النظر انها قالتها وانتحرت)
# امتى هناكل جوافة من انتاج مزارع توشكى ؟ ــ لما نلاقى المشمش!!!!!
# ما العلاقة بين عصام الحضرى وسمن روابى ؟ ــ الطعم فلاحى وتحدى .
# هل لك أقارب استشهدوا فى الحرب ؟ ــ لأ عندى أقارب استشهدوا فى السلام ..... " السلام 98" .
# 60 % من الرجال المصريين يشخرون وهم نائمون ...... ما تعليقك ؟ ــ ال 40 % الباقيين بيشخُرووا وهما صاحيين .
# ما الدليل على أن مصر بلد الامان ؟ ــ الدليل ان الواحد بيتردد كتير قبل ما يدخل أى قسم شرطة ..
# ايه الكلمة اللى ما بتحبش تسمعها وانت فى أوضة العمليات ؟ ــ يا خسارة .
# ما الفرق بين الزوجة المصرية والزوجة اللبنانية ؟ ــ 0 4 كيلو جرام على الأقل
# من المستفيد من الزحام الذى يسيطر على شوارع القاهرة ؟ ــ شركات المحمول ، كله واقف فى الاشارة ماسك الموبايل ، بيخلص شغل أو بيعتذر عن التأخير أو بيسلى نفسه على الأقل ، وبالتالى تعتبر الادارة العامة للمرور هى المستفيد الثانى " مخالفات استخدام المحمول أثناء القيادة ".
المستفيد الثالث هى الشركة الشرقية للدخان حيث يتزايد معدل الحرق على سبيل " التنفيث"
المستفيد الرابع هو الهيئة العامة للبترول حيث يتزايد حرق البنزين على الفاضى اثناء الوقوف وهو الأمر الذى يبرر اختفاء البنزين من المحطات وبالتالى يصبح المستفيد الخامس هم أطباء الأمراض الصدرية .
المستفيد السادس المعلنون على اذاعة نجوم fm وبالتالى يصبح المستفيد السابع الشركة المصنعة للأدوية المهدئة بالتساوى مع صيدليات على على .
## ليه بيقدموا الساعة ساعة عندنا فى الصيف ؟ ــ علشان مصر تتقدم بينا .
### لماذا يقال عن الشعب المصرى انه شعب فوضوى ؟ ــ علشان بيكره " النظام . "
وربنا يسسسسسسسسسسسسسستر
rere مستشار ادارى
عدد الرسائل : 737الموقع : في اي قلب يحبني تاريخ التسجيل : 03/04/2009
موضوع: رد: لو سالتك انت مصري تقولي ايه ..................هه السبت مايو 16, 2009 8:33 am
هههههههههههههههههههههه جااااااااااااااااامده جداااااااااااا اهو كده احنا اكييييييييييد في مصر شكرا علي التوبيك الجمييييل ده
ريري
Mr Zizo رئيس منتديات أصدقاء للأبد
عدد الرسائل : 932العمر : 34تاريخ التسجيل : 06/03/2009
موضوع: رد: لو سالتك انت مصري تقولي ايه ..................هه السبت مايو 16, 2009 2:31 pm
والله ما قادر امسك نفسى من الضحك يخرب عقلك يا رشروشة على الكلام الجامد ده
وبكل أمانة هو ده اللى بيحصل فى مصر
ويبقى أنت أكيد أكيد فى مصر
وربنا يستر على رأيك
تحياااااااااااتى وسلاااااااااامى زيزو
ملك مشرفة
عدد الرسائل : 519العمر : 34تاريخ التسجيل : 30/04/2009
موضوع: رد: لو سالتك انت مصري تقولي ايه ..................هه السبت مايو 16, 2009 2:37 pm
فعلا هو ده الشعب المصرى
كلام مظبوط 100% لكى حق يا رشروشة
وبجد تسلم ايدك يا جميل على موضوعك الرائع ده
ملك
memo4love مشرف
عدد الرسائل : 414تاريخ التسجيل : 08/05/2009
موضوع: رد: لو سالتك انت مصري تقولي ايه ..................هه السبت مايو 16, 2009 2:58 pm
ههههههههههه معاكى حق بجد
يبقى أنت أكيد فى مصر
نعم احنا يا جماعة كدا فى مصر
وشكرا على التوبيك الرائع ده
تحياااااتى للجميع
EMAD عضو فعال
عدد الرسائل : 112العمر : 38الموقع : أشمون / المنوفية تاريخ التسجيل : 08/03/2009
موضوع: رد: لو سالتك انت مصري تقولي ايه ..................هه الجمعة يوليو 03, 2009 12:03 am
كلام جميل وكلام معقول مقدرش اقول حاجة عنه
غير انك ناوية تقفليلنا المنتدى ونتشرد كلنا فى الشوارع وانا لله وانا اليه راجعون لا بجد عندك حق يا رشروشة بس عاوز اقولك حاجة لن يغير الله ما بقوم حتى يغيروا ما بأنفسهم